LOOK: Status ng mga dam sa Luzon ngayong araw, Apr. 9

Walang nabawas sa antas ng tubig sa La Mesa dam sa nakalipas na 24 na oras.

Sa update mula sa Hydrology Division ng PAGASA, alas 6:00 ngayong umaga, nananatili sa 68.48 meters ang water level ng La Mesa dam na pareho ng antas ng tubig nito kahapon.

Ang Angat Dam naman ay nasa 189.04 meters ang water level ngayong umaga, mas bumaba kumpara sa 189.52 meters kahapon.

Nabawasan din ang water level sa iba pang mga dam sa Luzon.

Kabilang dito ang Ipo, Ambuklao, Binga, San Roque, Pantabangan, Magat at Caliraya.