Lahat ng sinehan ng SM sa buong bansa, Avengers: Endgame lang ang ipalalabas sa loob ng 4 na araw

Sa loob ng apat na magkakasunod na araw, puro Avengers: Endgame lang ang mapanood sa lahat ng 333 cinemas ng SM.

Sa abiso ng SM, sa 333 cinemas na nasa 64 branches nila sa buong bansa, Avengers; Endgame lang ang mapapanood na pelikula mula April 24 hanggang April 28.

Ayon pa sa pahayag ng SM, ang iba nilang mall ay magkakaroon ng screening mula alas 6:00 pa lang ng umaga sa April 24 na unang araw ng showing ng pelikula sa bansa.

Katunayan sa SM Aura sa BGC, Taguig at sa SM Mall of Asia ay 24-oras na bukas an sinehan para sa non-stop screenings ng Endgame sa loob ng apat na araw.

Bagaman mahigit 2 linggo pa bago ang showing ng Endgame ay maraming cinema tickets na ang sold out.