Sa inilabas na update ng PAGASA Hydrology Division, alas 6:00 ng umaga ngayong araw, Apr. 8 nasa 189.52 meters ang water level sa Angat dam.
Nabawasan ito ng .69 meters mula sa 190.21 meters na water level nito kahapon, Apr. 7.
Ang La Mesa dam naman ay nasa 68.48 meters ang water level, bumaba mula sa 68.50 meters na water level nito kahapon.
Bumaba din ang water level sa iba pang dam sa Luzon.
Ayon sa PAGASA Hydrology DIvision, posibleng sa huling bahagi ng Abril o sa unang linggo ng Mayo ay umabot sa low level na 180 meters ang water level sa Angat.
Gayunman, hindi ito dapat ikabahala dahil sasapat pa naman ang suplay ng tubig para sa domestic use sa Metro Manila.