Isang vintage bomb, natagpuan malapit sa US Embassy sa Maynila

Natagpuan ang isang vintage bomb malapit sa U.S. Embassy sa Ermita, Maynila Sabado ng umaga.

Ayon kay Rodolfo Velasco mula sa Department of Public Works and Highway (DPWH), sa kasagsagan ng dredging operation, napansin ang isang solidong bakal sa baybaying bahagi ng Manila Bay malapit sa U.S. Embassy bandang 7:30 ng umaga.

Agad itong iniulat ng mga miyembro ng Manila Bay Task Force sa Manila Police District Explosives and Ordnance Division (MPD-EOD).

Sinabi ni MPD-EOD officer Holm Fabian na isa itong 81-mm illuminating Round bomb.

Dinala na ang bomba sa Tarlac para sa controlled explosion na isasagawa ng mga otoridad.