3 patay, 8 sugatan matapos mahulog ang isang bus sa bangin sa Antique

Nasawi ang tatlo katao habang walong iba pa ang sugatan matapos mahulog ang isang pampasaherong bus sa bangin sa bayan ng Hamtic, Antique Biyernes ng gabi.

Ayon kay Police Sr. Master Sgt. Llanie Adores, galing sa Iloilo ang Ceres bus at papunta sanang San Jose Antique nang maganap ang aksidente.

Sakay ng bus ang siyam na pasahero, drayber at konduktor.

Dalawa sa mga nasawi ay isang lalaking bagong graduate at kanyang ina.

Patuloy na iniimbestigahan ang sanhi ng aksidente.