Isang suspek sa pagpatay sa mag-iina sa Bulacan, naaresto

(UPDATE) Nasa kustodiya na ng pulisya ang isang suspek sa pagpatay sa mag-iina sa San Jose Del Monte, Bulacan Miyerkules ng gabi.

Naaresto ang hindi pa pinangalanang suspek sa follow-up operation ng mga pulis sa Caloocan City.

Ayon pa sa pulisya, isa pang suspek ang patuloy na tinutugis.

Samantala, narekober na ng SOCO sa crime scene ang kutsilyo na hinihinalang ginamit ng mga suspek sa pagpatay sa mag-iina.

Natagpuang patay na ang ginang at dalawa nitong batang anak sa loob ng kanilang bahay sa Carissa Homes, sa Brgy. Kaypian.