CSC gustong ipagbawal ang cellphone sa mga front liner sa gobyerno

Nais ni Civil Service Commissioner Aileen Lizada na maipagbawal ang paggamit ng cellphones sa mga empleyado ng gobyerno lalo na sa mga itinuturing na front liners.

Sa ngayon kasi sinabi ni Lizada na wala pang polisiya hinggil sa paggamit ng cellphone.

Nakatakdang magsagawa ng regional visit si Lizada sa mga ahensya ng gobyerno para mag-inspeksyon.

Matapos ito maari aniyang makabuo siya ng desisyon.

Mula nang maitalaga sa pwesto ay nagsasagawa ng inspeksyon si Lizada sa mga tanggapan ng gobyerno sa iba’t ibang rehiyon.

Ani Lizada, dapat matiyak na maayos ang serbisyo ng mga empleyado ng gobyerno dahil mataas na ang kanilang sweldo.