LRT-2 may unlimited free rides sa mga beterano kasabay ng paggunita ng Philippine Veterans Week

May alok na libreng sakay ang LRT-2 sa mga beterano kasabay ng paggunita sa Philippine Veterans Week.

Ayon sa pahayag ng Light Rail Transit Authority (LRTA), mula April 5 hanggang 11 ay may unlimited free rides ang mga beterano sa kanilang mga tren.

Magsisimula ang free rides alas 4:30 ng umaga o sa pag-uumpisa pa lang ng biyahe ng mga tren hanggang sa huling biyahe nito.

Libre din ang isang personal companion ng mga beteranong sasakay.

Kailangan lamang iprisinta ang valid ID mula sa Philippine Veterans Affairs Office (PVAO) para ma-avail ang free rides.