M3.6 na lindol yumanig sa North Cotabato

Niyanig ng magnitude 3.6 na lindol ang bahagi ng North Cotabato alas-2:25 madaling araw ng Martes.

Ayon sa Phivolcs, ang episentro ng lindol ay sa layong 18 kilometro Timog-Kanluran ng bayan ng Antipas.

May lalim ang pagyanig na 22 kilometro at tectonic ang dahilan.

Naitala ang Instrumental Intensity I sa Kidapawan City, North Cotabato.

Hindi naman nagdulot ng pinsala sa ari-arian ang lindol at wala ring aftershocks.