Heart relic ni St. Camillus nakaalis na matapos ang 2 buwang pagbisita

Nakaalis na ang heart relic ni St. Camillus de Lellis sa Pilipinas matapos ang dalawang buwang pagbisita nito.

Si St. Camillus de Lellis ang patron saint ng mga may sakit, health workers at ospital.

Ayon kay Camillian Fr. Dan Cancino, nasorpresa siya sa libu-libong Filipinong deboto ng heart relic.

Aniya, ipagpapatuloy ang pag-ikot ng relic sa mga ospital, kulungan para tumulong sa mga nangangailangan.

Inikot ang heart relic sa 22 na archdiocese at dioceses sa bansa.

Maliban dito, dinala rin ang relic sa 29 ospital, 15 parish church at 12 bahay ng mga matatanda kasama ng mga bahay ng mga may sakit na pari at madre.

Dumating ang heart relic sa Maynila noong February 2 at nakatakda namang dalhin sa Indonesia.