FEU, panalo kontra UST sa UAAP Season 81 men’s volleyball tournament

By: Angellic Jordan - 6 years ago

Matapos ang unang talo, muling umarangkada ang Far Eastern University (FEU) dahilan para matalo ang University of Santo Tomas (UST) sa UAAP Season 81 men’s volleyball tournament.

Nagwagi ang Tamaraws kontra sa Tiger Spikers sa loob ng apat na set.

Nakapagtala ng kabuuang 51 attack points ang FEU kontra sa UST.

Pinangunahan ni JP Bugaoan ang Tamaraws sa iskor na 17 points kasama ang 3 blocks habang nakapag-ambag naman si Judge Garcia ng 17 points na may kasamang 4 blocks.

Dahil sa kanilang 8-1 win-loss record, pasok na sa Final 4 ang Tamaraws para ngayong season.