MILF nagsimula na sa decommissiong ng kanilang mga baril

Sisimulan na ng Moro Islamic Liberation Front (MILF) ang decommissioning ng kanilang mga miyembro.

Ayon kay Bangsamoro chief minister at MILF Chairman Murad Ebrahim isinumite na nila ang listahan ng nasa 12,000 MILF fighters at ang kanilang mga armas.

Ang nasabing bilang ay kumakatawan sa 30% ng kabuuang bilang ng MILF forces at una sa tatlong yugto ng “gradual decommissioning.”

Sinabi pa ni Ebrahim na isasailalim pa sa beripikasyon ang nasabing mga armas.

Ang proseso ay sasaksihan ng independent international monitoring team ng International Decommissioning Body (IDB).

Ang nasabing decommissioning ng mga armas ay kabilang sa mga naging kasunduan sa binuong Bangsamoro Organic Law. (BOL).