Dayuhan sugatan matapos maaksidente ang sinasakyang TNV sa QC

Isang dayuhan ang nasugatan sa banggaan ng isang AUV at van sa Quezon City.

Nagtamo ng galos sa katawan ang dayuhan na lulan ng AUV na isang transport network vehicle.

Ayon sa driver ng TNV, binabaybay niya ang bahagi ng Scout Tuazon Street at patungo sana sa Timog nang biglang banggain ng isang van ang likuran ng kaniyang sasakyan.

Ang van ay galing naman sa bahagi ng Scout Rallos.

Sa lakas ng pagkakabangga ay tumagilid pa ang AUV.

Dinala sa traffic sector ng QCPD Station 10 ang nakabanggang van.