“Big-time” drug pusher patay sa mga tauhan ng PDEA

Napatay ng miyembro ng Philippine Drug Enforcement Agency PDEA ang isang hinihinalang “bigtime pusher” sa operasyon sa isang apartel sa Alabang, Muntinlupa City.

Ayon kay PDEA Dir. Derrick Carreon, isang buy bust operation ang ikinasa ng PDEA laban sa suspek na si Edwin Cabezudo.

Nakabli ng 1/2 kilo ng shabu ang agent ng PDEA na nagkakahalaga ng P3.4 milyon dahilan upang arestuhin ang suspek na na maayos namang sumama.

Habang nasa sasakyan ng PDEA sa bahagi ng C5 Road patungo sa National Headquarters ng PDEA sa Quezon City, tinangka nitong kuhanin ang nakatagong granada sa kanyang pantalon kaya napilitan na paputakan ang suspek.

Nadala pa sa ospital si Cabezudo pero idineklara itong dead on arrival.