Dumalo ang Filipino-Canadian dancer na si AC Bonifacio sa ginanap na 2019 Nickelodeon Kids’ Choice Awards
sa Los Angeles, California.
Gamit ang kaniyang Instagram account, nag-post si AC ng mga larawan sa kaniyang pagrampa sa popular na ‘orange carpet’ ng taunang award show.
Suot ni 16-anyos na dancer ang isang dress na dinisenyo ni Zandra Lim-Imasa.
Kabilang si AC sa mga napili ng Nickelodeon para sa 2018 KCA Social Squad.
Nakasama ni AC sa KCA Social Squad ang twins na sina Lisa at Lena, “Favorite Social Music Star” nominees Max at Harvey, Kaj Van Der Voort mula sa Netherlands, “Favorite Internet Star: Italy” nominee Elisa Maino, “Favorite Latin Influencer” nominee Ami Rodriguez at ang “Favorite Brazilian Influencer” nominee na si João Guilherme.