Tagapagsalita ng NDFP-Negros, naaresto sa Laguna

Arestado ang tagapagsalita ng National Democratic Front of the Philippines (NDFP) sa Nagcarlan, Laguna araw ng Linggo.

Nahuli si NDFP-Negros spokesman Frank Fernandez sa joint operation ng Philippine Army at Laguna police sa Barangay Calumpang bandang 5:16 ng hapon.

Matatandaang naaresto ang NDFP peace consultant na si Renante Gamara sa Imus, Cavite noong nakaraang linggo.

Si Fernandez ang ika-anim na opisyal ng NDFP na naaresto makaraang ihinto ang usaping pangkapayapaan sa Communist Party of the Philippines (CPP) at New People’s Army (NPA) taong 2017.