Pagbili ni Sandra Cam ng isla sa Masbate, pinaiimbestigahan sa Office of the Ombudsman

Humingi ng tulong ang isang Lino Lim sa Office of the Ombudsman, para alamin kung paano nakabili ng isla sa Masbate si PCSO Board Member Sandra Cam.

Sa pamamagitan ni Atty. Israelito Torreon, abogado ni Lim, naghain ito ng request for assistance sa Ombudsman para kalkalin ang yaman ni Cam.

Sinabi ni Torreon na sa loob umano ng mahigit isang taon nang makapasok sa PCSO si Cam, nakabili na ito at ang kanyang mga pamilya ng mga ari-arian na aabot sa P500 million ang halaga.

Umaasa naman ang kampo ni Lim na makakasuhan ito sa Ombudsman ng kasong graft.