Magkakahiwalay na lindol naitala Surigao del Norte, Davao Occidental at Bataan

Niyanig ng magkakahiwalay na lindol ang tatlong lugar sa bansa madaling araw ng Martes.

Ayon sa Phivolcs, unang naitala ang magnitude 3.0 na lindol sa Surigao del Norte alas-12:35 ng madaling araw.

Ang episentro ay sa layong 54 kilometro Hilagang-Silangan ng bayan ng Burgos at may lalim na 22 kilometro.

Makalipas ang halos isang oras o ganap na ala-1:30, niyanig muli ang Surigao del Norte ng isang magnitude 3.2 na lindol.

Ang episentro nito ay sa layong 41 kilometro Hilagang-Silangan ng bayan ng Burgos at may lalim na 21 kilometro.

Sumunod ang magnitude 3.2 na lindol sa Bataan ala-1:33 ng madaling araw.

Ang episentro ng pagyanig ay sa layong 11 kilometro Timog-Kanluran ng Mariveles at may lalim na 168 kilometro.

Alas-1:34 naman ng tumama ang magnitude 3.1 na lindol sa Davao Occidental.

Naitala ang episentro sa layong 103 kilometro Timog-Silangan ng Jose Abad Santos at may lalim na 49 kilometro.

Tectonic ang dahilan ng mga pagyanig na hindi naman nagdulot ng pinsala sa mga ari-arian.

Hindi rin inaasahan ang aftershocks.