Sinabi ni NBI Regional Director Atty. Tomas Enrile na naaresto ang suspek noong gabi ng sabado.
Hindi ibinigay ni Enrile ang pangalan ng suspek na isa aniyang menor de edad pero iniugnay ito sa karumal-dumal na pagpatay kay Silawan base sa mga ebidensya nakalap gaya ng cellphone messages sa biktima.
Nakita umano ang suspek na kasama ang biktima base sa nakuhang CCTV ng NBI.
Kinumpirma ni Police Regional Office (PRO-7) Director, Chief Superintendent Debold Sinas na hawak na nila ang suspek na naaresto ng NBI.
Gayunman, nilinaw ni Sinas sa isa lamang sa mga “persons of interest” ang 17-year old na lalaki na lumalabas ang pangalan sa kanilang imbestigasyon.