Ngayong araw ng Linggo March 17 magiging epektibo ang pagkalas ng Pilipinas sa ICC.
Ayon kay Atty. Jude Sabio, ang nagreklamo kay Pangulong Rodrigo Duterte sa ICC, bahala na ang naturang international court na aksyunan ang kaso kapag umiral na ang withdrawal ng bansa.
Kapag may nakita anyang batayan ang ICC ay pwede itong tumugon pero kung wala ay maaaring isantabi na ang reklamo.
Ayaw pangunahan ni Sabio ang ICC pero umaasa ito na aaksyun pa rin ang korte sa reklamo niya laban sa Pangulo.
Si Duterte ay sinampahan ng reklamong crime against humanity sa ICC dahil sa kanyang madugong war on drugs.