20 patay sa pagbagsak ng gusali sa Nigeria

Hindi bababa sa 20 ang nasawi, karamihan ay mga bata, sa pagbagsak ng isang school building sa Nigeria.

Ayon kay Lagos State Health Commissioner Jide Idris, nasa 43 naman ang nailigtas mula sa bumagsak na gusali.

Nabatid na nakatada nang idemolish ang tatlong-palapag na gusali at illegal ang operasyon ng eskwelahan sa dalawang taas na palapag.

Sa ngayon ay itinigil na ang rescue operation dahil umabot na ang mga otoridad sa pundasyon ng gusali at wala ng nakitang iba pang biktima.

Karaniwan ang pag-collapse ng mga gusali  sa Nigeria dahil walang regulatory inspection.