Mga truck ng Manila Water at Maynilad hindi sakop ng coding scheme

Hindi na muna saklaw ng number coding scheme ang mga truck ng Maynila Water at Maynilad na magrarasyon ng tubig sa mga lugar na apektado ng water shortage.

Sinabi ni Metro Manila Development Authority O MMDA Chief of Staff Michael Salalima na ang deriktibang ito ay para makapagbigay agad ng serbisyo ang mga trak sa mga lugar na nangangailangan ng tubig.

Dagdag pa ni Salalima, naglabas na rin sila ng trucks na tumutulong sa mga local govenment units o LGUs ng Mandaluyong at Pasig Cities simula noong nakaraang linggo.

Patuloy aniyang magmo-monitor at tutulong ang MMDA sa mga nagangailangang LGUs.