Anak ng alkalde ng Zamboanga del Sur at live-in partner, arestado sa droga

Arestado ang anak ng mayor ng Midsalip, Zamboanga del Sur dahil sa droga sa Oroquieta City, Biyernes, March 15.

Nakilala ang suspek na si Liwaya Paras, anak ni Midsalip, Zamboanga del Sur Mayor Leonida Angcap sa isinagawang raid sa bahay nito.

Nakumpiska sa mga suspek ang 15 pakete ng shabu na tinatayang nagkakahaga ng P120,000, tatlong mga armas at mga bala.

Kasama sa nahuli ang kaniyang live-in partner na si Leander Lumantas.

Ayon sa PDEA, miyembro ng Kubal Drug group ni Ardot Parojinog si Liwaya.

Mahaharap ang mga suspek sa paglabag sa Republic Act 9165 o Comprehensive Dangerous Drugs Act of 2002.