Sa talumpati sa Isabela, sinabi ng pangulo na bigyan lamang siya ng hanggang Setyembre at tiyak ay makararanas na ng pagganda sa sitwasyon ng trapiko sa Metro Manila.
Ito anya ay dahil sa infrastructure programs ng gobyerno sa ilalim ng Build Build Build.
Partikular na tinutukoy ng presidente ang pagtapos sa konstruksyon ng elevated expressway.
Sinabi ni Duterte na pag natapos ang naturang proyekto ay gagawin na lamang niyang basurahan ang EDSA.
Matatandaang sa isang talumpati kamakailan ay nagpahayag ng pagkadismaya ang pangulo dahil hindi niya matupad ang campaign promise na tuldukan ang lala ng trapiko sa EDSA.
Ito ay dahil sa hindi umano siya mabigyan ng Kongreso ng emergency powers