Militar at hinihinalang mga miyembro ng Maute Group muling nagkasagupa sa Lanao del Sur

Muling nagkasagupa ang pwersa ng pamahalaan at hinihinalang Maute terrorist group sa Barangay Padas, Pagayawan, Lanao del Sur.

Ayon sa ulat, nagsimula ang bakbakan alas 3:00 ng hapon ng Lunes at tumagal hanggang kinagabihan.

Dahil dito, napilitang lumikas sa kalapit na bayan ang mga residente sa naturang barangay sa takot na maipit ng sagupaan.

Hanggang kaninang umaga ay patuloy ang pagtugis ng mga sundalo sa mga miyembro ng teroristang grupo.