Phil Coast iniulat ang pagsabog sa bayan ng Balud sa Masbate

Isang pagsabog ang naitala sa Balud, Masbate malapit sa munisipyo nito noong Linggo ( March 10) ng gabi.

Ayon sa Philippine Coast Guard, nangyari pagsabog malapit sa seawall ng Bgy Poblacion sa Balud o tinatayang 200 metro ang layo mula sa Balud Municipal Hall.

Sa lakas ng pagsabog, nawasak ang rescue boat ng LGU.

Sa paunang imbestigasyon, isang lalaki na naka-stripes na shorts at puting sweatshirt ang nakitang may dalang backpack na tumatakbo palayo sa pinangyarihan ng pagsabog.

May taas ang lalaki na tinatayang 5’5.

Wala namang nasaktan o nasawi sa nangyaring pagsabog.

Nagsasagawa narin ng imbestigasyon ang PNP para matukoy kung anong klaseng pampasabog ang ginamit, ano ang motibo at sino ang suspek sa krimen.