Nakilala ang isa sa mga supek na si Rammil Escio alyas ‘RonRon’ na sinasabing lider ng isang notoryus na sindikato habang inaalam pa ang pagkakakilanlan ng dalawa niyang kasamahan.
Ayon kay Antipolo Police Chief Supt. Villaflor Banawagan, sangkot ang mga suspek sa gun for hire, pagtutulak ng droga at carnapping.
Nasa likod din umano ang tatlo sa pagpatay sa isang traffic enforcer at bodyguard ng isang punong baranggay.
Kagabi, habang nagsasagawa ng checkpoint, isang sumbong ang natanggap ng Antipolo Police at Highway Patrol Group (HPG) tungkol sa pagnanakaw ng taxi ng tatlong suspek.
Tinugis ng mga pulis sina Escio at kanyang mga kasamahan ngunit nanlaban ang mga ito na dahilan ng agaran nilang pagkamatay.
Narekober sa crime scene ang taxi at mga baril kabilang ang shotgun, kalibre .38, at 9mm caliber.