Kinilala ng pulisya ang tatay ng biktima na si Rhandyl Cruz, 43 anyos na kalauna’y pinagsasaksak naman ang sarili na naging dahilan ng kanyang pagkamatay.
Ayon kay Police Lt. Col. Carlo Manuel ng Manila Police District, selos ang ugat ng krimen.
Nagbanta umano si Cruz sa kanyang asawang si Pauline, isang Overseas Filipino Worker (OFW), na papatayin niya ang kanilang anak dahil sa pangangabit umano nito.
Ang 17-anyos na anak na lalaki ni Cruz, 16-anyos na live-in-partner at tiyahin nila ang nakadiskubre sa krimen at iniulat ito sa mga pulis.
Narekober sa crime scene ang kitchen knife na may habang 12 inches, suicide note ni Cruz at isang bote ng muriatic acid.
Isasailalim sa counseling ang ina at kapatid ng biktima.