Patay ang apat katao habang sugatan ang limampu’t isa matapos magkarambola ang apat na sasakyan sa Aguinaldo Highway Brgy Lalaas 1st, Silang Cavite kagabi.
Ayon kay PO1 Carlito Jimeno ng Silang police station, nasangkot sa aksidente ang isang DLTB bus, isang trailer truck at dalawang sasakyan.
Galing ng Tagaytay ang truck at nag-overtake sa isang sasakyan.
Gayunman, hindi agad nakabig ng drayber ng truck ang kanyang manibela dahil sa antok.
Dito, sinalpok ng truck ang DLTB bus at nadamay pa ang dalawang sasakyan.
Patay sa aksidente ang drayber ng bus at tatlong babaeng pasahero nito.
MOST READ
LATEST STORIES