2 lalaki, arestado makaraang mahulihan ng droga sa checkpoint

Arestado ang dalawang drayber ng trak makaraang makuhanan ng hinihinalang shabu sa isang checkpoint, Linggo ng madaling-araw.

Nakilala ng pulisya ang dalawa na sina Malvin Arabiana, 33-anyos, at Hegging Adajar, 35-anyos.

Nakuha ng mga otoridad mula sa dalawa ang isang pakete ng shabu na nagkakahalaga ng P1,500.

Ayon sa dalawa, nanggaling ang shabu sa Cebu.

Inamin naman ni Arabiana na gumagamit sila ng ipinagbabawal na gamot.

Mahaharap ang dalawa sa kasong paglabag sa Republic Act 9165 o Comprehensive Dangerous Drugs Act of 2002.