4 na sundalo sugatan sa engkwentro sa NPA sa Quezon

Sugatan ang apat na sundalo matapos maka-engwentro ang mga miyembro ng New People’s Army (NPA) sa lalawigan ng Quezon.

Napigilan ng mga sundalo ang gagawin na naman sanang panununog ng mga rebelde sa heavy equipment sa Barangay Magsaysay, bayan ng Infanta.

Ayon kay Brig. Gen. Arnulfo Marcelo Burgos Jr., commander ng 202nd Infantry Brigade, nangyari ang engkwentro tatlong kilometro lang ang layo sa Northern Builders, ang contractor ng Kaliwa Dam project kung saan nangyari din ang panununog ng NPA noong Feb. 7.

Tumagal ng 30-minuto ang palipatan ng putok.

Agad nailikas ang mga nasugatang sundalo at nadala sa pagamutan.