3 sugatan sa pagbangga ng isang truck sa bahay sa Iloilo

Sugatan ang tatlong katao makaraang bumangga ang sinasakyan nilang truck sa isang bahay sa bayan ng Zarraga, Iloilo.

Naganap ang aksidente Biyernes, March 8 ng madaling araw sa Barangay Ilaya Poblacion.

Sugatan ang driver ng elf truck at dalawa niyang pahinante.

Wala namang nasugatan sa mga nakatira sa binanggang bahay.

Sa inisyal na imbestigasyon ng pulisya, mabilis umano ang andar ng truck at hindi ito agad nakapagpreno.

Galing umano sa Capiz ang truck na may lulang mga talaba at ihahatid sana sa Iloilo City.