Mag live in partner, arestado sa magkahiwalay na buy bust sa QC

Arestado ang mag live-in partner sa magkahiwalay na buy bust operations sa Quezon City sa nakalipas na magdamag.

Sa apartelle sa Cubao, timbog ang isang babae nang magbenta ito ng shabu sa pulis na nagpanggap na buyer.

Nakuha sa suspek ang mahigit 20 sachet ng shabu.

Arestado rin ang kinakasama ng babae sa isa pang apartelle sa hiwalay naman na operasyon.

Nakuhanan ang suspek ng halos 30 sachet ng shabu.

Nahaharap ang mag live-in partner sa kasong paglabag sa Comprehensive Dangerous Drugs Act of 2002.