Natagpuan ang isang granada sa hacienda sa Barangay Crossing Magallon, Moises Padilla, Negros Occidental.
Ayon sa otoridad, nakita ng dalawang sakada ang Mk 2 grenade sa Hacienda Bag-o San Remigio.
May nakitang kahon ng cellphone malapit sa poste ng kuryente at nang buksan ito ay nakalagay sa loob ang granada.
Kinuha ng pulisya ang granada at tinurn-over sa Explosives and Ordnance Division ng Police Regional Office 6.
Iniimbestigahan ang pinanggalingan ng granada.
MOST READ
LATEST STORIES