Phoenix wagi kontra Magnolia sa PBA Cup

Nagpamalas ng impressive win ang Phoenix matapos habulin ang 17 puntos na lamang ng Magnolia at tuluyang manalo sa iskor na 89-87 sa kanilang sagupaan sa PBA Philippine Cup sa Araneta Coliseum araw ng Miyerkules.

Naipasok ni Jason Perkins ang tres sa huling 19.1 seconds ng laban para maipanalo ang Fuel Masters.

Ayon kay Phoenix head coach Louis Alas, ang naturang panalo ay ang gusto nilang makita kung saan ipinamalas nila ang kanilang karakter.

Pinangunahan ni Calvin Abueva ang Phoenix sa kanyang game-high 24 points, 13 rebounds at 5 assists.

Ang Hotshots naman ay pinangunahan nina Paul Lee at Mark Barroca sa kanilang tig-16 points.

Dumausdos ngayon ang record ng Magnolia sa 1-4 win-loss record.