PUBLIC SERVICE: Bahagi ng Pasay at QC mawawalan ng suplay ng kuryente ngayong araw, Mar. 6

Mawawalan ng suplay ng kuryente ngayong araw ng Miyerkules, March 6 ang bahagi ng Pasay City at Quezon City.

Sa abiso ng Meralco, sa Pasay, sa pagitan ng alas 10:00 ng umaga at alas 3:00 ng hapon ay mawawalan ng kuryente ang bahagi ng Barangay 137.

Ayon sa Meralco, magpapalit sila ng poste sa kahabaan ng Camia at Gamban Streets.

Sa Quezon City naman, pagitan ng alas 9:00 ng umaga at alas 2:00 ng hapon ang power interruption sa bahagi ng Novaliches.

Apektado nito ang Barangay Talipapa.

Magpapalit din ng poste at mayroong reconductoring works ang Meralco sa bahagi ng St. Martin Village, sa naturang barangay.