18-anyos dinampot ng mga otoridad matapos mahulihan ng shabu

Arestado ng mga tauhan ng Manila Police District (MPD) Station 2 ang isang 18- anyos na lalake matapos itong makuhanan ng isang sachet ng hinihinalang shabu.

Base sa inilabas na spot report ng MPD – nagsagawa ng anti-criminality operation ang station 2 Lunes ng gabi sa Mayhaligue St. kanto ng Sanchez St., Tondo, Maynila.

Nadakip ang suspek na kinilalang si Rodel Gallego, walang trabaho at nakatira sa Estero De Magdalena,Tondo Manila.

Dahil dito ay inilalatag na ng mga tauhan ng MPD ang kasong paglabag sa RA 9165 Art II Sec. 11 o mas kilala bilang Comprehensive Dangerous Drugs Act of 2002.