Pansamantalang uupo sa pwesto si Abuel matapos italaga ni Pangulong Duterte si Secretary Benjamin Diokno bilang bagong governor ng Bangko Sentral ng Pilipinas (BSP) na kapalit naman ni Nestor Espenilla na pumanaw sa sakit na kanser sa dila.
Sa text message ni Diokno sa Radyo Inquirer, sinabi nito na si Abuel ay nagtapos ng Master of Public Administration sa Lee Kwan Yu University sa Singapore at Master of Laws sa University of Sydney sa Australia.
Budget Acting Secretary Abuel has a Master degree in Public Administration (MPA) Lee Kwan Yu University in Singapore and Master of Laws, University of Sydney, Australia @dzIQ990
— chonayuINQ (@chonayu1) March 4, 2019
Samantala, nagpapasalamat naman ang palasyo sa serbisyo ni Diokno sa DBM.
Ayon kay Presidential Spokesman Salvador Panelo, hindi matatawaran ang paglilingkod ni Diokno sa pamahalaan.
Umaasa rin aniya ang palasyo na magpapatupad si Diokno ng mga reporma sa BSP.
Tiyak rin aniyang nasa mabuting kamay ang mga nasa banking institutions ngayong si Diokno ang mamumuno sa BSP.