Biyahe ng MRT-3 maagang nagka-aberya

(UPDATE) Maagang nakaranas ng aberya sa biyahe ng MRT-3 ngayong umaga ng Lunes, March 4.

Sa pagbubukas ng operasyon ng MRT-3 bigo itong makapag-operate ng buo dahil sa technical problem.

Sa abiso ng MRT-3, nagpatupad ito ng provisional service at mula North Avenue station hanggang Shaw Boulevard station at pabalik lamang ang biyahe.

Hindi naman nakabiyahe ang kanilang mga tren mula Shaw Boulevard hanggang Taft Stations at pabalik.

Ayon sa MRT-3 ito ay dahil sa problema sa kanilang Overhead Catenary System (OCS) power sa bahagi ng Guadalupe station.

Agad namang nag-deploy ng tauhan ang MRT-3 para magsagawa ng troubleshooting.

Alas 5:55 ng umaga na mag-resume ang normal at regular operations ng MRT-3.