M3.4 na lindol naitala sa Davao Occidental

Niyanig ng magnitude 3.4 na lindol ang bahagi ng Davao Occidental alas-12:40 madaling araw ng Lunes.

Ayon sa Phivolcs, ang episentro ng lindol ay sa layong 158 kilometro Timog-Silangan ng bayan ng Jose Abad Santos.

May lalim itong 63 kilometro at tectonic ang dahilan.

Hindi naman inaasahang nagdulot ng pinsala sa ari-arian ang lindol at hindi rin inaasahang magkakaroon ng aftershocks.