Lockdown protocol ipinatupad sa White House

Kasalukuyang naka-lockdown ang White House matapos akyatin ng isang tao ang bakod nito.

Ayon sa report ng CNN, nahuli naman agad ang taong ito, pero nanatili pa ring naka-lockdown ang White House habang tinitiyak ng U.S. Secret Service ang seguridad sa lugar.

Naroon din kasi si President Barack Obama para gunitain ang Thanksgiving holiday kasama ang kanyang pamilya.

Dahil dito, mas pinaigting ng Secret Service ang seguridad sa White House, at balak na rin nilang baguhin ang bakod nito para hindi na basta-basta kayang akyatin ninuman.