ALAMIN: Dagdag-bawas sa presyo ng petrolyo sa susunod na linggo

Matapos ang sunud-sunod na linggong oil price hike, may inaasahang pagbaba sa presyo ng diesel at kerosene sa susunod na linggo.

Ayon sa oil industry sources, matapos ang trading hanggang araw ng Biyernes, mababawasan ng P0.05 hanggang P0.15 ang presyo ng kada litro ng diesel.

Ang kerosene o gaas naman ay inaasahang mababawasan ng P0.30 hanggang P0.40.

Samantala, walang pagbabago sa presyo ng gasolina ngunit posibleng tumaas ang presyo nito ng P0.20 kada litro dahil sa ethanol.

Ang oil price adjustments ay kadalasang ipinatutupad tuwing araw ng Martes.