M4.7 na lindol yumanig sa Ilocos Sur

Niyanig ng magnitude 4.7 na lindol ang Ilocos Sur kaninang alas-4:51 ng madaling araw.

Ayon sa Phivolcs, ang episentro ng lindol ay sa layong dalawang kilometro Hilagang-Kanluran ng bayan ng Sigay.

May lalim itong 100 kilometro at tectonic ang dahilan.

Una nang sinabi ng Phivolcs na may lakas itong magnitude 4.9 ngunit ibinaba sa magnitude 4.7

Naitala ang instrumental Intensity II sa Vigan City.

Hindi naman inaasahang magdudulot ito ng pinsala sa mga ari-arian at wala ring inaasahang aftershocks.