Umabot sa 18 katao ang nasugatan sa nasabing aksidente.
Ayon kay LTFRB Executive Dir. Atty. Samuel Jardin, magpapalabas ng show cause order ang ahensya.
Ito ay para pagpaliwanagin ang operator at driver ng jeep kung bakit hindi sila dapat mapatawan ng parusa matapos ang aksidenteng kinasangkutan.
Nasugatan sa aksidente ang mga pasahero ng jeep matapos itong tumagilid habang binabagtas ang Marcos Highway noong Huwebes ng umaga.
Minamaneho ito ng driver na si Rogelio Andres Narito.
Ayon kay Narito mayroong isang motorsiklo na sumalubong sa jeep kaya iniwasan niya ito hanggang sa mawalan ng kontrol at tumagilid.