Pangulong Duterte dumalaw sa burol ni BSP Gov. Nestor Espenilla

Dumalaw si Pangulong Rodrigo Duterte sa burol ni Bangko Sentral ng Pilipinas Governor at Monetary Board Chairman Nestor Espenilla kagabi sa Arlington Chapel sa Heritage Park sa Taguig City.

Personal na ipinaabot ng pangulo ang kanyang pakikiramay sa asawa ni Governor Espenilla na si Ginang Maria Teresita Espenilla.

Itinalaga ng pangulo si Espenilla noong noong July 2017 sa BSP.

Si Espenilla ang nagpatupad ng reporma sa BSP gaya na lamang ng digitalization ng retail payment system.

Sa ngayon, si Deputy Governor Maria Almasara Cyd Amador ang pansamantalang pumalit sa puwestong iniwan ni Espenilla.