Pasakay si Christian Guzman sa MRT Cubao Station alas 7:10 pm nang makita ang granada sa loob ng kanyang bag na dumaan sa x-ray machine.
Sinita ng gwardyang si Ana Mae Burlaza si Guzman na nagsabing dati itong sundalo.
Hindi pinasakay ang lalaki sa MRT at nasa kustodiya na ng pulisya.
Samantala, isa namang pasahero ng Light Rail Transit 2 (LRT-2) ang inaresto sa Cubao Station matapos mahulihan ng marijuana.
Ayon sa Quezon City Police District, ang hinuling pasahero ay si Francisco Ferrer, 47 anyos.
Dakong 2:30 Sabado ng hapon nang makita ng gwardyang si Robert Hagoot ang dalang marijuana ni Ferrer sa gitna ng inspeksyon.
Ayon sa gwardya, dala ng suspek ang katamtamang laki ng transparent ziplock pouch na may lamang 50 gramo ng hinihinalang mga tuyong dahon ng marijuana na nasa P6,000 ang tinatayang halaga.
Nakakulong na si Ferrer sa Quezon City Police Station 7.