P400K halaga ng shabu nasabat sa tatlong drug suspects sa Cavite

Aabot sa mahigit P400,000 halaga ng shabu ang nasabat ng mga otoridad sa ikinasang operasyon sa Cavite.

Nadakip sa nasabing operasyon ang mga suspek na sina Amenodin Taha, 20 anyos; Farhana Taha, 23 anyos; at Nayef Amer, 25 anyos.

Ayon kay Supt. Nerwin Ricohermoso, Dasmariñas police chief, isinagawa ang operasyon alas 5:00 ng umaga ng Biyernes (Feb. 22) sa Barangay Datu Esmael.

Nakuha sa tatlong suspek ang limang sachet ng hinihinalang shabu na tumutimbang ng 62.4 grams at may kabuuang halaga na P405,000.

Nakatakdang sampahan ng kaso ang tatlong suspek.