Patay sa sunog sa Bangladesh umabot na sa 81

Mahigit 81 katao na ang bilang ng nasawi sa sunog sa Bangladesh.

Tinupok ng apoy ang mga kabahayan at mga estabisyemento sa Dhaka, Bangladesh at mabilis ang naging pagkalat ng apoy dahil kabilang sa nasunog ay imbakan ng kemikal.

Nagsimula umano ang sunog sa isang gusali sa Chawkbazar.

Ayon sa fire officials, karamihan sa mga nasawi ay na-trap sa kani-kanilang mga bahay habang mabilis na kumalat ang apoy.

Patuloy na tumataas ang bilang ng mga nasawi sa sunog at mayroon pang mahigit na 50 ang sugatan. Siyam sa kanila ang kritikal ang kondisyon.

Ayon kay Dhaka Fire Service and Civil Defence control room official Mahfuz Riben, patuloy pa ang pag-recover ng kanilang team sa mga katawan ng mga nasunog na biktima.