Lima ang nasawi sa forest fire sa property ng Philex Mining Corporation sa Sitio Sal-angan sa boundary ng mga munisipalidad ng Itogon at Tuba at Benguet.
Sa report ng Bureau of Fire Protection-Cordillera Administrative Region (BFP-CAR), naiulat ang sunog alas 1:30 Miyerkules ng hapon at idineklarang under control makalipas ang 5 oras.
Ang mga nasawi ay mga Philex foresters na sina Dante Molina, Noel Degyem, Marlon Guiniguin at Dexter Labasa at isang residente na si Leon Mocate.
Nabatid na tinupok din ng apoy ang Forestry Department ng Philex.
Tinatayang lima hanggang anim na ektarya ang nasunog.
Iniimbestigahan ang dahilan at halaga ng pinsala dulot ng forest fire.
Tumugon sa sunog ang Philex Fire Brigade; Itogon, Tuba, at Baguio Fire Stations, PEZA Fire Brigade, PMA fire brigade at PNP-Tuba, Itogon sa Benguet at Baguio.