Regine Velasquez, dismayado sa isang fan na nang-bash kay Morissette Amon

Hindi napigilan ni Regine Velasquez ang pagkadismaya sa isang fan na nang-bash kay Morissette Amon.

Ito ay kaugnay ng pagtanggap ni Amon sa alok ng Asia’s Songbird na tanggapin at kantahin ang kanyang hitsong na “Pangarap Ko ang Ibigin Ka”.

Ikinagigil ng netizen ang hindi pagtanggi ni Amon sa alok ni Velasquez.

Dagdag pa niya, hindi raw mararating ng singer ang achievements ni Regine o ni Sarah.

Dahil dito, sumagot si Velasquez sa Twitter kahapon at sinabi na wala namang mali sa pagbibigay ng nasabing kanta kay Amon.

Ayon kay Velasquez, nais niyang i-rekord ni Amon ang awit para magkaroon ito ng bagong buhay at malaman ito ng bagong henerasyon.